L’ültima cà
L’ültima cà l’è ‘l ciel
in mèzz ai stèl
anca se i öss
requian in la tèra.
Sarà come turnà
da indue ca sèmm vegnüü
e turnaremm
a ilüminà la nòcc
a carezzà cui man
nivul rusaa
a pizà ‘l cerc
di arcubleni a dessedà la lüna.
A vüna a vüna
incuntrarèmm
memòri dal passaa
e sarà pas.
Sa scaldaremm al sù
e sarà viv
cui fiur da primavera
Indulzirà la sira
la musica dal vent.
L’ültima cà
la dèerva la sua pòrta
a un altar temp.
L’ultima casa
L’ultima casa è il cielo/ fra le stelle/ anche se le ossa/ riposano nella terra. Sarà come tornare/ da dove siamo giunti/ e torneremo/ a illuminare la notte/ a carezzare con le mani/ nuvole rosate/ ad accendere il cerchio/ degli arcobaleni/ a destare la luna. Ad una ad una/ incontreremo/ le ombre del passato/ e sarà pace. Ci scalderemo al sole/ e sarà vivere/ coi fiori di primavera. Addolcirà la sera/ la musica del vento. L’ultima casa/ spalanca la sua porta/ a un altro tempo
(Franco Gottardi)
